يوسفيات

2010-01-07T02:58:00.006+02:00

الأولة: لن أرقمها على غرار "يوسفيات 1".. فأنا لا أضمن أن أجد وقتاً لكي أكتب أخرى... ماأكثر السلاسل التي بدأتها وماتت في حلقتها الأولى

إيفيهات جماهيرية:: كلما رفع يوسف ( بطل فيلم بالألوان الطبيعية-ولك أن تلاحظ تشابه الاسم والحركة مع بطل فيلم "بحب السيما" لنفس المؤلف) رأسه إلى السماء "خبط مع ربنا في كلمتين"... وفي المرة الأخيرة اكتفى بالصراخ... ولكن أحد المشاهدين استبقها بالقول: استغفر الله العظيم

اختلفوا في الرؤى السياسية... واتفقوا على عدم الموضوعية... فلا تجد رجل أمين واحد (مع الإعتذار للقاعدة النحوية لغرض في نفس يوسف)

كنت أظن ابن عاشور من أذكى -وليس أزكى- عشر شخصيات قابلتهم .. وبعد تدقيق .. للأسف .. وجدت أنه من أذكى خمسة .. طريقة وضع النقاط هنا مهداة لابن عاشور

ميري كريسماس ولو كره العابسون

جدار عازل إسرائيلي وجدار فولاذي مصري... رؤية أدبية جيدة... ولكنها غير واقعية

ناقل الفكرة؟... أيوه ياعم .. ناقل أمها .. بردت؟

تكتب في خانة الديانة أنها مسلمة... وتخصص نوتسها (جمع نوت+الضمير) لكل كتابات بن كريشان فقط... سكيزوفرينيا خالصة... ويبقى السؤال: وأنا مال أهلي؟

(استنى لآخر الوقت... هتاكل خضار المدينة مسبك... بس المشكلة إنه هيكون بارد) من وصفات الأبلة/ يوسف

سألني روتينياً: تصدق وتؤمن بمين؟... رددت: وأنتا مال أهلك

لكل من احتار في أمره... رمزي لينر في فيلم (بالألوان الطبيعية) ألفين وتسعة... يشبه لبطل فيلم (ذا ماشينست) ألفين وأربعة

يشبه قطرة الزيت السميكة... يدعو للتشكل بحسب العائق... يخاف بشدة من المنديل الورقي... عن أحمد منتصر أتحدث

أنا أنا أنا مين كبر الوبش

مع إنه فيها لا دش ولا دبش

لما لفيت وشي جه ولطني

معذور... فكر نفسه حنش

،،،،،،دي تأليفي على فكرة... ولا عزاء لجاهين

المقال يوسفية... واليوسفية مقال... الفيصل -عزيزي القارئ- هو الوقت

ياخوفي ياخلوصي ليكون البرادعي بيشتغلنا... أو نكون إحنا بنشتغل نفسنا

عدد اليوسفيات هاهنا مهدى لأحمد مختار عاشور... وصاية

الآخرة: إذا ماوجدت وقتا لكتابة أخرى -ولا أعد بشيء- فسوف استلهم أسلوب هيئة النقل العام... "يوسفيات بشرطة" ثم "يوسفيات بشرطتين" إلى آخره

المئذنة السويسرية

2009-12-02T02:51:00.004+02:00

حسنا.. قد أوافقك على هذا ،ولكن هذا -في الوقت ذاته- لا يعد مسوغا لما حدث.

تقول لي أن القانون في بلادنا يضع العراقيل أمام بناء دور العبادة لما خالف الإسلام من أديان... هذا فعلا لا يصح.

تقول لي أيضا أن الإسلام يقول بأن تترك تلك الدور على سيرتها الأولى: لا تهدم لا تجدد لا تبنى من جديد.

حتى لو قال الإسلام بذلك - وأنا أشك فيما تقول ولا أنشغل حاليا بالتأكد- فهذا يعني دولة الفاتيكان الإسلامية -إن قامت- أو أم القرى القائمة بالفعل وحدهما ،ولكنه لا يعني بلادنا ،فالدين لله والوطن للجميع ،وأطمئنك بالتأكيد على أن الوطن للجميع ومعارضتي من يقول بأن الوطن -أيضا- لله ،فهذا هو يقينه ،أما أنت فقد لا تؤمن بوجود الله من الأساس.

ومن ضمن المضحكات في هذا الأمر أن ماتسوقه أنت من أقاويل لتبرير ماحدث لم يستخدمه السويسريين أنفسهم كمبررات! بل جاءت المبررات مرتبطة في معظمها بالإرهاب والفكر الراديكالي... ولم يتحدث أحدهم بتاتا عن رد الصاع صاعين أو حتى صاعا ونصف.

وقد قيل من ضمن ماقيل -كمبررات للحظر المخجل- أن مقولة "المآذن رماحنا" هي مقولة إرهابية متطرفة.

وهذا أيضا من المضحكات، فيعلم من يعلم أن تلك مجرد مقولة رمزية لا تقدم أو تؤخر شيئا ،فلم أسمع -ولم تسمع أنت بالتأكيد- أن بن لادن قد تأبط مأذنة في صبيحة يوم مشرق وذهب بها "ليغز" برجي التجارة العالميين فيحيلهما رمادا على رؤوس مرتاديهما الأبرياء.

أراك تتشنج وتؤكد أن تلك مقولة إرهابية طالحة فاضحة ،حسنا ،دعني أحيلك لما قاله رئيس تحرير جريدة "يولاندز بوست" في شأن حرية التعبير ،فقد قال: لك أن تدعو لقتل شخصا ما ،فهذه حريتك في التعبير ،أما إذا ألقاه أحدهم بحجر فيجب محاكمته.

هذا القول -الذي قد يعترض عليه البعض داعيا إلى اعتبار التحريض كجريمة- يبين لك مدى الإنتكاسة التي حدثت على طريق حرية التعبير حينما خرجت نتيجة لاستفتاء تم إجرائه في زمان أسود لتسطر حظر بناء المآذن كمادة في الدستور السويسري.

مايحزنني حقا هو ردة إحدى الدول المتحضرة عن قيمة عظمى التي لأجلها اتخذنا تلك الدول كقدوة فعلية على أرض الواقع.

في هذه الدول يمكنك أن تخترع دينا جديدا -وليكن البابونجية على سبيل المثال- دون أن يتعرض لك أحد ،كما يمكن للمسلم أن يتعبد في مسجده طوال اليوم دون أن تصله دعوة مزخرفة لزيارة جهاز أمن الدولة.

على هذه الأسس جاء الطرح معيبا ،فطرح استفتاء على أمر خاص غير مضر لا يصح ،كمثل إجراء استفتاء لحظر إرتداء البكيني بقوة الدستور ،أنا لا أؤيد البكيني-وهذا شأني الخاص- ولكنني أيضا أعارض أن يتم حظر البكيني على من تود إرتداءه .. كما أنني أعارض أن يتم حظر بناء مآذن المساجد.

فالذي حدث هو أن ترك الأمر في أيدي الجهلة وأنصاف المتعلمين -وأحمد الله أن نسبتهم لم تتعدى نصف الشعب إلا بقليل- ليوجههم جهلهم إلى التعدي على حريات الآخرين ووضع جميع المسلمين في سلة واحدة -تخص الأصوليين وحدهم في العادة- ومن ثم استجلاب عداوة الجميع وإهانة الحرية.

ماقلته لك هو ماعاب تصرف الدولة المحترمة في هذا الأمر ،أما الجهلة فلهم أن يتعلموا.

لذا ،فمن فضلك لا تكرر على مسامعي أقاويلك العقيمة لأني أنأى بمثقف ذكي -مثلك- أن يقولها ،أما إن كنت غير مثقف أو حتى مثقفا غبيا فلك أن تقول ماتريد.

ذلك الغبي!!

2009-11-07T16:38:00.004+02:00

كثيرا ماتتملكني الرغبة الماسوشية لإيذاء الذات وتكدير النفس... فأمارس عن عمد وبسابق إصرار وترصد قراءة تعليقات بعض القراء على المقالات والأخبار.

وهؤلاء البعض يحلو لهم -دوما- المعارضة، وبغض النظر عن الأطروحة فلنعارض، فليكن هذا هدفنا الأساسي فداه آبائنا وأمهاتنا.

هؤلاء يظنون أن امتلاك وصلة انترنت أو قدر من المال لدخول "السايبر" بالإضافة إلى تعلمهم قدر من الكتابة، صك يمنح لهم حق الغباء ولا عزاء لأصحاب العقول، وهذا -بالمناسبة- يفتح باب النقاش في مدى فائدة أن يكون التعليم مجانياً!!

شد ماتنتشر هذه الظاهرة في أيامنا البيضاء بعد انتشار مواقع الجرائد على الشبكة العنكبوتية، وتتكاثر هذه التعليقات -بشكل خاص- في المقالات والأخبار التي تتصل بالدين بأي شكل.

فإذا ما فشلت في تفجير حويصلتك المرارية بالطرق التقليدية، فاسمح لي بأن أدعوك لقراءة بعض تعليقات على أي من هذه المقالات.

وليكن لنا مثلا في مقال كتبه أحد كتاب جريدة اليوم السابع عن زوبعة افتعلها البعض بسبب سجود لاعبي المنتخب الوطني في كثير من الأحيان.

أكد الكاتب أن دين اللاعب أيا كان لا يهم، سواء كان مسلما أو مسيحيا أو حتى كافرا.. المهم هو إحراز الأهداف والنصر لشعب يجد في الكرة سلوانه.

ثم انتهى المقال، ليأتي ذلك الغبي -بما أفاء الله به عليه من وصلة وقدر من الكتابة- ليسأل كاتب المقال بلهجة هجومية متنطعة متهكمة " تقول أو حتى كافرا...أوليس المسيحي بكافر؟"

هذا شخص تخلص من كافة أعباء الذكاء، وعمى بصره عن أي محتوى بالمقال ليخلص إلى سؤال غبي من شخص -ولابد- أغبى.

فالكاتب هنا -كما يفهم كل ابن خمس سنوات- عنى بالكافر (الملحد)، ولكن التمتع بنعمة البصر لا يعني بالضرورة اكتساب أي قدر من البصيرة.

المصيبة الأكبر إنك تجد أن هذا النمط منتشرا بشدة، للدرجة التي تظن إنك تعيش في بلد يقطنه أغلبية من سكان الجاهلية الأولى... بينما تكاد تختفي تعليقات الأذكياء أو حتى العاديين من البشر.

قال م. لوثر كينج "المصيبة ليست في ظلم الأشرار -وأقول أنا الأغبياء- بل في صمت الأخيار -أقول أنا الأذكياء"

أيها الأذكياء تكلموا... وإلا فليحفظ الله لنا الماسوشية ويديمها علينا نعمة، فالاستمتاع بالغباء أسهل من البكاء بسببه.

تنقبت نقاباً..... فهي منتقبة

2009-10-20T04:27:00.004+02:00

بعيداً عن رأيي الخاص -ورأيك الشخصي- في النقاب.
وبعيداً عن التحليلات العبقرية التي –لابد وأنك- قد قرأت العشرات منها، دعنا ننفذ إلى حلي العبقري لمعضلة النقاب.

لن أتحدث هنا عن الحكم الشرعي، لا لأنه لايهمني، ولكن لأن الأحكام -في شأنه- اختلفت، وأنا لست بالإقناع المناسب لكي أعدل لك الحكم الذي أرتأيته –أنت- شرعياً.

كما أنأى -حالياً- عن تناول جانبه الفلسفي الذي يناقش مدى تغير وإختلاف أفكار تلك التي تقبل بحجبها عن المجتمع بهذا الشكل .

لنتناول معضلته الإجتماعية وحلها

المعضلة تتمثل في شقين: الأول هو إعاقة التواصل الإنساني الكامل الذي تتطلبه بعض المهن ... الثاني هو إمكانية إستخدامه في التخفي .. لا أتحدث هنا عن التنكر... ولكن التخفي الكامل بحيث لا تدرك أصلا جنس من هو تحت هذا الرداء العجيب.

والتنكر –لعمري- شديد الإختلاف عن التخفي.. فقد أفطن لهوية هذا المجرم الذي تنكر في هيئة ضابط عن طريق خلجات وجهه وعدم ثقته بنفسه مثلاً... أما أن تفطن لهوية مجرم تخفى بالكامل فهو بالأمر العسير جداً.

الشق الأول هو أزمة مهنية.. أما الشق الثاني فهو أزمة –بالأساس- أمنية .

الشق الأول يتضح –كما قلت- في بعض المهن، ولعل أبرزها التدريس والطب... من الممكن أن تخبرني "لتتنازل المنتقبة عن نقابها –في الفصل مثلاً- بشرط خلو المكان من الرجال" .... ولكن دعني أؤكد لك إنني لا أتقبل رفد الرجال من هذه الوظائف –فقط- لتستمتع تلك الأخت بتقواها المزعومة.

الحل هنا ألا تتورط المنتقبات في هذه الوظائف السافرة –والعياذ بالله- وأن يكتفين بالمهن التي لا تتطلب أي تواصل إنساني كالطباعة على الآلآت الكاتبة والحياكة على الماكينات في المشاغل اليدوية...إلخ.

أما بالنسبة للشق الثاني فيبرز في المهن السلبية كالتعلم –لا التعليم- وأيضاً في الشوارع.
فلا يمكن أن أن نتقبل دخول كائن مبهم إلى الأماكن الحيوية ومدن الطالبات و لا حتى سيره في الشوارع دون أي ضمان لهويته فينشر –أو تنشر- الترقب والفزع.

وهذا الشق من الممكن حله بطريقة مالية بحتة... وأيضاً هي فكرة إستثمارية ، وذلك عن طريق فرض رسوم على المنقبات –يمكن للجمعيات الخيرية أن تساعد غير القادرات منهن- تٌستغل في تعيين شرطة نسائية على مداخل المرافق والمصالح الرسمية وبعض الشوارع الحيوية، وأيضاً في اللجان والكمائن التي تهدف إلى الكشف عن المجرمين.

تقوم تلك الشرطة بالكشف عن هوية المنتقبات في غرف منعزلة تتحمل تكلفة بنائها المنتقبات أيضاً.

أعلم أن التكلفة المالية على المنتقبة قد تكون مرتفعة –أقدرها مبدئياً بألفي جنيه شهرياً مما يعيد النظر في مدى عبقرية هذا الإقتراح- ولكنه الحل الوحيد لضمان أمن وسلامة هذا المجتمع.

بهذا نكون قد قضينا على المعضلة الإجتماعية –المهمة من وجهة النظر الليبرالية- لتتبقى المعضلات الشرعية والفلسفية والتي لا تعنيني إلى هذا الحد.

إن نسيتم...فتذكروا

2009-10-12T01:24:00.000+02:00

سلسلة مقالاتي الطبية العربية على جوجل نول ((Google Knol))

2009-05-26T20:42:00.001+02:00

أن تكون طبيباً!!

العقم الذكوري والعجز الجنسي ... الأزمة والعلاج

التكيسات الشريانية (أمهات الدم)

السيانيد.. القاتل الأكثر شهرة

أساسيات عن الرضاعة الطبيعية

جميع المقالات السابقة مشاركة في مسابقة اكتب-جامعة أسيوط

الرئيس في الأتوبيس 6 ((الأخيرة))

2009-05-11T22:16:00.003+02:00

"تابع"

رد عليه السفيه بينما يخرج حزامه من عروات البنطال وينظر مهددا:

-لأ مش كفاية.

يبدو أن الشاب قد اعتاد مذاق هذا الحزام، فلم يعد قابلا للتهديد به، لذا كرر في تحدي:

-كفاية.

-مش كفاية.

-كفاية.

-مش كفاية.

-كفاية.

في هذه الأحيان مال الأتوبيس بشدة على جانبه الأيمن، وسرعان مااعتدل ثم أكمل سيره.

علت أصوات الركاب :

-أحا ياأسطى... براحة ياجدع

-فيه بني آدمين هنا ...أنتا مش لوحدك.

بينما قام الجالسون على المقعد الخلفي من أماكنهم وهم يرغون ويزبدون ويتصايحون بعبارات على غرار:

-كله منه، لازم ينزل.

-نزلوه وأنا أعرف أمشي الأتوبيس زي الفل.

-فين أيامك يازعيمنا الخالد، كان زمان الأتوبيس ماشي زي الفل.

-متجيبش سيرة خالد.

بينما انضمت إليهم سيدة ترتدي ملائة سوداء تلفها حول جسمها وقد أمسكت في يدها بكومة من الصحف، لتقوم هذه السيدة بفرد الملائة وتندمج في وصلة ردح عالية المستوى.

هنا تدخل صاحبنا قائلا:

-ياأخوانا مش كده، مش أي ميلة تحصل للأتوبيس نعملها مصيبة.

صمت المتصايحون ونظروا إليه بدهشة كمن ينظر إلى من نطق كفرا.

أضاف الشاب المخضر الغير مصاب باليرقان:

-فعلا ياأوباش، أكيد الأتوبيس مال بفعل التوجيهات الحكيمة عشان نتفادى مطب أو نقرة.

أشار صاحبنا ناحية الشاب إياه قائلا:

-أينعم أنا مش طايق خلقة أمه، بس إحتمال يكون عنده حق، إحنا مش شايفين الطريق زي اللي قدام.

ثم أشار ناحية ذات الملائة السوداء قائلا:

-وأنتي ياست، إحياة النبي تهدي شوية ... أنا كل مابسمعك بتتكلمي بكون عاوز أنتحر ،خفي الكآبة والردح شوية.

دخلت السيدة في وصلة ردح شخصية تنعت فيها والدة صاحبنا بنعوت شديدة القسوة.

تجاهلها صاحبنا وأضاف:

-أنتوا كلكوا ... مين فيكم عربيته عمرها ما مالت منه؟

ارتبك أصحاب المقعد الخلفي للحظات ثم بدأوا في توجيه عبارات من عينة "وأنتا مالك" "أنتا أيش فهمك ف السواقة" "اتلهي".

رفع عقيرته قائلا:

-ياأخوانا أنا لا عاجبني حالة الأتوبيس ولا عاجبني الصويت اللي صدعني وجابلي إكتئاب.

رد البلطجي ذو الحزام:

-ومالو حال الأتوبيس ياكابتن ماهوا زي الفل أهو، ولا أنتا جاسوس ولا أيه؟

-دا مش جاسوس ،دا عميل.

-يعم تلاقيه منهم أساسا.

-لأ بيقبض، هما إدوك كام؟

-برجوازي متعفن.

-إمبريالي حقير.

صاح صاحبنا بأعلى صوته لكي يتغلب على الضوضاء:

-ياإخوانا أنا لا كده ولا كده، أنا بس عاوز شوية موضوعية.

استمرت النعوت نفسها في الإنهمار على رأسه.

ثنى ركبتيه وانخفض بجسده.

كل ينعت على هواه.

وضع يديه على رأسه ونظر للأرضية.

لا أحد يسأل نفسه عن مدى صحة النعوت التي يطلقها.

ترقرقت في عيني صاحبنا دمعة.مازالت النعوت مستمرة.

يحاول أن يتكلم ولكن صوته صار مختنقا.

مازالت النعوت مستمرة.

قال في يأس للمرة الأخيرة:

-شوية موضوعية ... شوية موضوعية أبوس إيديكم.

*************************************************************************************

وكالات الأنباء-مصر:

وقع أمس حادث تصادم مميت في قلب العاصمة المصرية، حيث اصطدمت حافلة ركاب تابعة لهيئة النقل العام بحائط أسمنتي مصمت، مما نجم عنه وفاة مائتي راكب، بينما نجا راكب واحد فقط من الحادث، في حين لازال مصير ثلاث ركاب مجهولا.ويدعى الراكب الناجي "صاحبنا" ولم يستطع الإدلاء بأي تصاريح نظرا لإصابته بفقدان نطق نفسي جراء الحادث، فيما تتكتم السلطات المعنية أي تفاصيل أخرى.

محمد يوسف --- 14/4/2009

الرئيس في الأتوبيس 5

2009-04-24T05:19:00.002+02:00

"تابع"

صاح أحد الشباب وقد وضع بالطو على كتفه الأيمن:

-يانهار أبيض دي نوبة صرع.

أخذ الشاب يحاول السيطرة على ذي الأذرع الستة الذي بدأ في التشنج بشدة.

بعد السيطرة على النوبة وضعه الشاب في وضع الإفاقة على أرضية الأتوبيس، مما زاد من تكدس الركاب وإلتصاقهم ببعضهم البعض.

أخيرا نطق الرجل ذو "الجبهة" العريضة ،والذي كان العديدون ينتظرون كلامه لأنهم يعلمون جيدا أنه كان في السابق من الوطنيين الديمقراطين، مما أكسب آرائه في أذهانهم أنها سوف تتمتع بخبرة من رأى الباطن الخفي لما هو قائم بالفعل، ويبتعد عن التكهنات والمغامرات التي يقوم بها من لا يمتلكون تلك الخبرة.

تكلم رجل "الجبهة" العريضة فقال:

-ياجماعة أنا ياما شوفت، الراجل ده لازم ينزل مع كامل إحترامي لشخصه، بس لازم ينزل.

رد عليه أحد الدهماء:

-طيب ماتقوم تنزلوا عافية ياباشا.

رد رجل "الجبهة":

-مش بالعنف، ولازم كلنا ننزلوا مع بعض أينعم أنا نفسي أنزلوا لوحدي عشان الناس تعرفني أكتر، بس مفيش مجال هنا لبطولة فردية، إحنا ف بلد ديمقراطية، لازم الشعب يخلي رئيسه يسيب الأتوبيس بالهدوء والسياسة.

سأله أحد الحضور:

-أمال أبو حمادة المسالم فين؟ أصلوا كان هادي زيك كده.

وقبل أن يرد عليه رجل الجبهة، قال أحد الجالسين إلى جواره في أنتخة أريحية توحي بأنه لم يفارق مكانه منذ فترة:

-مات ... الله يرحمه، أهو دلوقتي زمانه عرف الفروق الديموجرافية بين الواقع الواقعي والواقع التحت واقعي والدافع الشوفيني وراء كل واقع منهم.

اشرئبت الأعناق محاولة فهم أي كلمة بإستثاء كلمات "مات-الله-يرحمه" والتي لم تكن عسيرة على الفهم إلى هذه الدرجة.

استدرك الرجل بخمول خامل:

-لازم كلنا نتجمع في وجه الفساد الإمبريالي، فالأتوبيس سريع بدرجة تعوق طبقة البروليتاريا -والتي تمثل الطبقة الإشتراكية الحقة من الأمة- عن اللحاق بالركب الأتوبيسي.

داخله الجالس إلى جواره:

-مع إحترامي الشديد لسيادتك، بس أنا شايف أن العروبية والإسلامية والقومية هي المبادئ الأساسية القادرة على إصلاح حال هذا الأتوبيس.

رد عليه الرجل ساخرا:

-يعني عاوزنا نصلح أتوبيسات اليمن بالمرة؟

بدت إمارات الغضب على الرجل وقال:

-ومالوا لما نصلح أتوبيسات اليمن أنا شايف إننا المفروض برضو -وبشكل أساسي- نخرب أتوبيسات إسرائيل وبعد كده نرميها ف البحر.

بصق الرجل بعض البلغم "المتجمع" في صدره وضحك بمرارة ثم أضاف:

-يعم اتنيل.

-احترم نفسك.

-طيب اتنيل بس.

-احترم نفسك.

-ياأخوانا الصوت .. عاوزين ننام.

قالها المحصل الذي لم يكن له أي ظهور في هذه القصة قبل هذه الجملة.

قالها ثم أمال وجه وراح في سبات عميق.

يبدو أنه لن يكون له دور إلى نهاية القصة أيضا.

نظر صاحبنا إلى المقعد الخلفي ليجد شابا يستعد للكلام، نظر إليه مشجعا إياه على الكلام، فقال:

-كفاية كده ياينزل ... ياأما ينزلنا.

رد أحد السفهاء:

-لا مش كفاية، خليك ياقائد مسيرة الأتوبيس خليك على قلبنا وإحنا بيس.

صاح الشاب:

-لأ كفاية.

رد عليه السفيه بينما يخرج حزامه من عروات البنطال وينظر مهددا:

-لأ مش كفاية.

"يتبع"

الرئيس في الأتوبيس 4

2009-04-21T21:25:00.002+02:00

"تابع"

تململ الجالسون على المقعد الخلفي بشكل يوحي بإستعدادهم للمشاركة ف الحديث.

تحفز بقية الحاضرين تحفزا خاملا ووجهوا أبصارهم بلا إهتمام حقيقي ناحية الجالسين على المقعد الخلفي ليبدأ أحدهم في الحديث قائلا:

-الركوب ده مجرد ذر للرماد ف العيون للإيحاء بالجماهيرية ،لكن تبقى ضرورة منع توريث الأتوبيس أهم من الأتوبيس ذاته ،لازم نمنع ابنه من ركوب الأتوبيس وإلا هتفوتنا محطات أكتر م اللي فاتتنا أولريدي.

"أولريدي" هذه زادت من حملقة الجمع فيه ليدركوا أن هذا الرجل يمتاز بخدين كبيرين جديرين بمنحه لقب الرجل ... رجل "الخد".

تابع رجل "الخد" وقد بدأ في متابعة كلماته مصاحبة بإشارات كثيرة من يديه وذراعيه وحتى قدميه:

-ياجماعة إحنا لازم ننزله من الأتوبيس ف أقرب محطة ونمنع ابنه من الركوب، وأنا عن نفسي هاعدي عالكراسي كرسي كرسي ولازم نتفق كلنا.

ثم نظر إلى الجالسين بجواره قائلا:

-أما أنتوا فمش لازم تتحركوا خالص، كلكم صوريين، أنا بس اللي فوتوجينيك.

نظر إليه البقية شذرا وصاح أحدهم وقد ارتدى طربوشا أخضر اللون:

-أخرس يامنشق.

قال له رجل "الخد":

-أنتا اللي صوري.

-منشق.

-صوري.

-منشق.

-صوري.

أخذ صاحبنا يتابع بإستمتاع تلك الفقرة من أوبرا الفقاقيع التي نمارسها هاهنا.

وفجأة ارتفع صياح إحدى الشابات:

-ابعد ايدك ياقليل الأدب.

امتدت إلى موقعها نظرات الجمع ليروا شابا تبدو عليه إمارات الجوع المعتاد في مثل هذا السن، وإلى جواره تلك الفتاة التي صدر عنها الصياح.

كانت فتاة فاتنة ... فاتنة من جميع النواحي والمناطق، وبدأ الجمع في توجيه اللوم إلى الشاب وكلهم يتمنى أن يكون في نفس موقفه.

من ناحية التحرش لا من ناحية اللوم طبعا.

تابع الجالسون على المقعد الخلفي الدلو بآرائهم، حيث برز شاب له من الأذرع ستة ومن وسط صدره يبرز "أبريل" متوسط الحجم، ويمسك في أحد أذرعته بحقيبة كمبيوتر محمول وصاح:

-يجب أن نتفق أيها السادة، نتفق أولا ثم نعلن الغضبببببببببببب.

عقب صاحبنا:

-أهم حاجة نكون واضحين ومحددين.

-الغضبببببببببببب.

-يعني نساعد الناس على التفاعل بطريقة معينة يفهموها.

-لغضبببببببببببب.

-بس أنت كويس متقلقش.

-غضبببببببببببب.

-والنبي متزعل روحك.

-ضبببببببببببب.

-يعم هدي نفسك.

-بببببببببببب.

صاح أحد الشباب وقد وضع بالطو على كتفه الأيمن:

-يانهار أبيض دي نوبة صرع.

"يتبع"

الرئيس في الأتوبيس 3

2009-04-19T21:48:00.003+02:00

"تابع"

هنا كسر صاحبنا حاجز صمته وبدأ مشاركته ف الحديث الدائر بالقول:

-ياجماعة أكيد البشمهندز مبيكدبش.

قاطعه نفس المتظرف السابق :

-ليه يعني، هوا قريب قطنة أبلة نظيفة، كركع كركع كركع.

-بس يابضان.

كانت هذه من صاحبنا، الذي استدرك قبل أن ينشب (البضان) أنيابه في حنجرته فقال:

-لو تلاحظوا، الأتوبيس أكل محطات زيادة عن اللزوم، دا غير سرعته اللي مش متعودين منه عليها.

بدأ المتشككون في الإنتباه، فعلا الأتوبيس يسير بسرعة غير طبيعية، وحتى المكابح يتم ضغطها برفق، على إعتبار أن الموجودين بالأتوبيس هم من بني آدم وهذا من غير المعتاد أيضا.

استمر صاحبنا ليقول:

-برضو بصو كده على نص الأتوبيس.

تدفقت النظرات ناحية المنطقة المذكورة لتصطدم بعدد كبير من الدببة الشهباء ذوي البدل السوداء والنظارات الأكثر سوادا وقد اتخذ كل منهم وضعا مدروسا يوحي بالخطورة.

حاولت النظرات أن تتخطاهم إلى مقدمة الأتوبيس، ولكن نظرا للأحجام لم يكن هذا ممكنا بأي حال من الأحوال.

حاول البعض أن يتسلق أطراف أصابعه ولكن هذا أيضا لم يجدي، فحاول بعضهم الإقتراب وإستراق النظر من الفرجات الضيقة بين تضاريس أجسام هؤلاء العماليق، وحينها دوت الكلمة الأثيرة التي أكدت للناس الشكوك الأصلية:

-ممنوع.

قالها دب يقترب حجمه من حجم الدولاب الخشبي الذي إعتادت والدتك أن تخزن الملابس الشتوية في عليته مضافا إليها بعض قطع الصابون المستهلك في العادة أو بعضا من نفتالين البلي إذا ماكانت والدتك من ذوي البال الرائق.

-برجاء الالتزام بالأماكن والهدوء.

أضافها دب آخر وقد اضطره طوله إلى ثني رأسه بحيث لامس أعلى ظهره سقف الأتوبيس.

ساعتها تأكد الجميع أن الرئيس بالفعل -ورغم غرابة هذا- في الأتوبيس.

ولعل هذا التأكد هوا مادفع شابا -يميل لونه إلى الأخضر مع قليل من الإصفرار مع غياب أي أعراض أخرى تدل على داء اليرقان (الصفراء) الإنسدادي، كالبول الداكن والبراز الشاحب والهرش، في حين تبرز من بين خصلات شعره المشبعة بالجل اثنتين أو أكثر من سنابل القمح-إلى الصياح بأعلى صوته:

-عاش الزعيم القائدنعم نعم رغم المكائد.

اللون إلى جانب غياب أعراض اليرقان الإنسدادي إضافة إلى منظر السنابل رجحوا وبقوة أن يكون هذا الشاب وطنيا ديمقراطيا مع إحتمال لا بأس به -نظرا لحداثة سنه- أن يكون فكريا جديديا أيضا.

تململ الجالسون على المقعد الخلفي بشكل يوحي بإستعدادهم للمشاركة ف الحديث.

"يتبع"

الرئيس في الأتوبيس 2

2009-04-18T19:59:00.003+02:00

"تابع"

تاكل أي محطة أونطة ف غمضة عين

وبعد مرور عدد من المحطات، وبينما أغلب الركاب يتابعون طقوس الإستيقاظ من تثاؤب وفرك الأعين، لاحظ مع غيره من الركاب المستيقظين شابا يعدو محاولا اللحاق بالباب الخلفي للأتوبيس بأقصى جهده، تتبدى بقايا الشهامة المصرية في إمتداد ثلاثة أذرع بالإضافة إلى عدد من الأرجل بإتجاه هذا الشاب لمساعدته على الركوب.

من بين لهاثه قال الشاب:

- هه .. هه..الر..هه..الرئيس

عاجله أحد المتظرفين ساخرا:

-طويل العمر يطول عمره ويزهزه عصره وينصره على مين يعاديه ...هاي هيأ.

استغرق الجميع في مؤخرة الأتوبيس في الضحك لفترة سمحت للشاب بإلتقاط أنفاسه ليقاطعهم قائلا:

-ياجماعة الرئيس ف الأتوبيس ،والله العظيم الرئيس ف الأتوبيس.

سرت همهمات وسط الجمع الغفير الذي يشعرك بأنك تقف في وسط مجمع التحرير في أيام عزه، ثم ارتفع صوتا من وسط الهمهمات متشككا:

-رئيس مين يابني، قصدك رئيس الهيئة يعني.

الشاب:

-لا يعم الحدق قصدي رئيسنا ... وصمت لبرهة لأنه هكذا تعلم من أحد أفلام هاني رمزي، ثم أضاف:

-رئيسنا كلنا.

في هذه اللحظة ارتفع لحن النشيد الوطني للبلاد في وجدان كل من كان حاضرا ومزنوقا ومحشورا واقفا أو جالسا ليضفي خلفية موسيقية مناسبة للمشهد،

وفي وجدان بعض الوطنين ارتفع اللحن مصاحبا بأداء كورالي فذ يصدح قائلا:

-بلادي بلادي بلادي لكي حبي وفؤادي مصر ياأم البلاد أنتي غايتي و إنه رئيس عصابة الفاسدين وليس رئيسنا جميعا.

للحظة، لم يدرك الوطنيين -السابق ذكرهم-أن الجملة الأخيرة ليست من كلمات النشيد الوطني، وإنما هي جملة صاح بها أحد الحضور على الكنبة الخلفية.

نظروا إليه ليجدوه شخصا متوسط الحجم ملتحي، وكلمة إخواني تظهر واضحة مابين حاجبيه.

قال له أحد الواقفين وهو يعقد حاجبيه:

-ياأخ (علي) لا تجادل ولاتناقش لكيلا تقع ف المحظور.

هكذا عرف جميع الواقفين والجالسين في المساحة أن اسم هذا الإخواني هو (علي)،وعلى الفور أدار أحدهم للجمع ظهره وأخذ يكتب شيئا ما.

لا أعرف ماإذا كان قد أدار للجمع جميعه ظهره، فلمن أدار وجهه.

على كل، أكد العديدون أنهم لمحوا كلمة (عصفورة) وقد طبعت على مؤخرته، مؤخرة بنطاله بشكل أكثر تحديدا.

قال أحدهم للشاب صاحب النبأ العجيب:

-طب ياأبو الكباتن بس عشان منتلخبطش، دا بجد ولا إشتغالة.

رد أبو الكباتن:

-يعم بقولك واللهي واللهييي.

هنا كسر صاحبنا حاجز صمته وبدأ مشاركته ف الحديث الدائر بالقول:

-ياجماعة أكيد البشمهندز مبيكدبش.

"يُتبع"

الرئيس في الأتوبيس 1

2009-04-17T19:32:00.006+02:00

في نهار يوم معتاد ... خرج من بيته ليستقل الأتوبيس ،الحقيقة أن الأبخرة السوداء المتصاعدة من مؤخرة الأتوبيس كادت أن تصيبه بإختناق حاد في أثناء محاولاته الخرقاء للحاق به.

تناولته من الداخل الأجساد البشرية المتلاحمة في ملحمة أتوبيسية خالدة منذ إنشاء هيئة النقل العام.

بالداخل ،تتصاعد رائحة العرق في مزيج قوي مع رائحة الأفواه التي لم تعرف إختراعا يدعى غسيل الأسنان ،لبتكتر عطرا غاية في الإبداع يذكرك برائحة عرق الإبط إذا ماتم حشوه بداخل أوراق الكرنب المسلوق.

يمضي الأتوبيس متأرجحا عبر الطرقات ،يتوقف فجأة للحظات ثم يتابع طريقه من جديد.

ينظر عبر النافذة المجاورة له، أو بالأدق عبر النافذة المجاورة للكرسي المجاور له والذي يجلس عليه شخص لا يدرك هو كيف تمكن من تحقيق هذه المعجزة.

يلاحظ أن الأتوبيس لا يتوقف في المحطات التالية، يتذكر باسما أغنية ساخرة معدلة عن أغنية لمحمد عبد الوهاب تقول في أحد مقاطعها " ماشي صاروخ طيخ طاخ طوخ طيخ طاخ طوخ

تاكل أي محطة أونطة ف غمضة عين"

يُتبع

في انتظار مالا يأتي

2009-03-08T18:27:00.007+02:00

- في إنتظار مالا يأتي.

- قد نجلس طويلا ،قد نجلس للأبد ،قد لا نجلس على الإطلاق ونظل في وضع الوقوف.

- قد نقف طويلا ،قد نقف للأبد ،قد لا نقف على الإطلاق ونظل في وضع الجلوس.

- إلخ.

- سوف نظل هنا طويلا أو للأبد ،وقد إستثنينا قصيرا من حساباتنا.

- سوف ننتظر مالا يأتي ،ولكن ما لا يأتي ... ببساطة ... لايأتي.

- حسنا ،وببعض الحسابات المنطقية القليلة ،نجد أن ما لا يأتي (وحيث أنه لم يأتي إلى تلك اللحظة) ... لن يأتي.

- إذن ،علينا ألا نضيع أعمارنا في إنتظاره.

- هلموا نغير العنوان إلى "وجوب عدم إنتظار ما لا يأتي" أو "في إنتظار ما سوف يأتي" .

- ارقدوا في سلام.

المواطن المصري

2009-02-06T02:22:00.000+02:00

البوست ده مقتطع من مقال للدكتور أحمد خالد توفيق

تأمل معي حياة المصري البائس الذي يسافر في قطار الصعيد، فيجد نفسه محبوسًا في عربة تحترق.. اللهب يتعالي والزهرة الحمراء المجنونة تتفتح، وهو يحاول القفز من النافذة ليجد أن القضبان تمنعه.. هكذا يتمسك بالقضبان الساخنة عالمًا أنها النهاية وأنهم سيجدونه جثة متفحمة بعد نصف ساعة من الآن

.. برغم هذا يخرج المصري ليقف في طابور الخبز، هنا ينهال عليه أحدهم طعنًا بالمطواة لأنه أخذ دوره

.. نفس المصري يقرر أن يصطاف فتنهار به عمارة لوران وتفر المالكة إلي الولايات المتحدة وتحاول بيع الأرض من هناك. من ثم يقرر أن يترفه ويثقف نفسه بدخول المسرح.. هذه طريقة ممتازة لقضاء الأمسية حيث يجرب شعور المسجون في قاعة تحترق.. الباب مغلق والصراخ لا يجدي.. فقط ينجح بعض المحظوظين المحترقين في الخروج وقد تحولوا إلي قطع فحم مشتعلة، فيزحفون في الشارع زحفًا طالبين الغوث، وفي مستشفي بني سويف لا يجدون محفة ولا مصعدًا ويتسلقون بأجسادهم المحترقة الدرجات

.. يقرر نفس المصري أن يسافر للبحث عن الرزق، ويركب عبّارة متهالكة سرعان ما تجعله يمر بتجربة شائقة أخري هي الغرق في البحر وسط أسماك القرش.. هكذا يجمع بين فيلمي تايتانك والفك المفترس معًا

.. يقرر أن يبقي حيث هو وأن يكفي خيره شره في عشته الصفيح العشوائية المتواضعة في (الدويقة)، هنا يكتشف أن المقطم نفسه لا يريد له أن يحيا، ويجد نفسه مدفونًا تحت الجلاميد.

دائمًا هو في حرب.. دائمًا في خطر.. دائمًا يقف بالفانلة أو عاري الجذع أشعث أغبر يصرخ ويشوح بذراعيه ويتشاجر دون أن يظفر بشيء.. هكذا وقف خارج مسرح بني سويف، وهكذا وقف ينتظر جثة أخيه بعد غرق العبارة.. وهكذا وقف في الدويقة.. وهكذا وقف في البورصة وعلي أبواب شركات توظيف الأموال المغلقة

.. وحتي من دون كوارث تجد المنظر ذاته: تأمل مشهد المتزاحمين حول شقق إسكان مبارك، وذلك الفتي عاري الجذع الذي تسلق المواسير ليصل إلي الموظف المسئول. دائمًا هناك تلك المرأة العجوز الجالسة علي التراب تلطم وتمزق شعرها.. يمكن بسهولة أن تعتقد أننا في غزة أو العراق، مع فارق بسيط هو أنه لا يوجد احتلال أجنبي ولكنه احتلال داخلي.. احتلال أشنع بكثير بدليل أن قتلي حرب السويس كانوا 300 ماتوا كي نحتفظ بالقناة، بينما قتلي العبارة كانوا 1300 ماتوا ليصير صاحب العبارة أكثر ثراء، فمن الاحتلال الأكثر شناعة وتجردًا من الإنسانية؟.

وفي كل مرة وفي النهاية يظهر الجيش لينقذ الموقف باعتباره القوة الأكثر تنظيمًا وكفاءة. إذن ماذا يفعل هؤلاء وماذا عن فلان بيه وعلان بيه وكل هذه المواكب وتعطيل المرور وصرف المليارات لتجديد المكاتب، ما دام الجيش هو الذي سيحل المشكلة في النهاية؟

يذكرني الأمر بإقطاعيي القرون الوسطي الذين كانوا يعتصرون الفلاحين بالضرائب مقابل حمايتهم، فإذا جاء الغزو من الخارج، فروا أو أغلقوا عليهم قلاعهم باعتبار هذه مشكلة الفلاحين لا مشكلتهم

نهايتو

يوميات طفل شقيان جداً

2009-01-29T02:25:00.004+02:00

ملحوظة أولانية: البوست ده منقول بالكامل من ايميل لذيذ وصلني فقلت أفرجكوا.

ملحوظة تانية: البوست دا فكاهي ... دا بس عشان اللي مش واخد بالو ... ياخده.

إصتبحنا وصبح الملك لله

يووه, صاحى متأخر على الشغل زى كل يوم

من خوفه بياكل سنانه

"ده المدير هيبهدلنى "

داخل على المكتب فرحان وحاطط مكياج بدل البرفان

ولا كأن فى حاجة

وفجأة, لقيت المدير فى وشى

عملت عبيط

مسح بكرامتى اللاند, صعبت عليا نفسى

المشكلة ان ورايا شغل بالهبل

مبقتش طايق الشغل

أنا لازم أنتقم من المدير

ودى أخرة اللى يفكر يعمل زيى

أخيرا هروح البيت, أنا مش شايف قدامى

جعــــــــــــان

الدش اللذيـــــذ

ولازم ألحق أنام علشان, علشان استعد لشقيان يوم جديد

.......وهكذا دورة الحياة تستمر مع يوميات طفل شقيــــــان جداً.

WE WILL NOT GO DOWN

2009-01-23T07:36:00.000+02:00

دخلت عند ميرا من كام يوم

لقيتها جايبة فيديو أغنية "لن نسقط الليلة"

واللي ألفها ولحنها وغناها "مايكل هارت"

عجبتني

قولت أترجمها

ولو عندك سماعات والنت خادمك ف السرعة

هتكون بتسمعها دلوقتي عشان أنا حطتها ع البلوج

الأغنية مترجمة

ومضة من الضوء الأبيض الذي يـُـعمي

أضاءت السماء فوق غزة الليلة

هرع الناس للاحتماء

لا يعرفون إذا ماكانوا أحياء أو أموات

لقد جاءوا مع دباباتهم وطائراتهم

مع اللهب الناري الذي يجتاح

ولا يبقى شيئاً

إلا صوت يتصاعد وسط ضباب الدخان

*******************

لن نسقط هذه الليلة

بدون قتال

يمكنك حرق مساجدنا وبيوتنا وحتى مدارسنا

لكن الروح لن تموت أبدا

نحن لن نسقط في غزة الليلة

*******************

النساء والأطفال على حد سواء

يقتلون ويذبحون ليلة بعد ليلة

في حين ظل قادة الدول بعد

يتناقشون من الذي على صواب ومن الذي على خطأ

*******************

ولكن كلماتهم الضعيفة كانت بلا قيمة

وسقطت القنابل مثل الأمطار الحمضية

لكن وسط الدم والدموع والآلام

لا يزال بإمكانك سماع هذا الصوت من خلال ضباب الدخان

*******************

لن نسقط في الليل دون قتال

يمكنك حرق المساجد وحتى ونحن بيوتنا ومدارسنا

ولكن الروح لن تموت أبداً

نحن لن نسقط غزة الليلة

*******************

نحن لن نسقط

في الليل

دون قتال

يمكنك حرق المساجد وبيوتنا وحتى مدارسنا

ولكن الروح لن تموت أبداً

*******************

نحن لن نسقط

في الليل

دون قتال

لن نسقط

في غزة الليلة

إلى الحبيبة المجهولة

2009-01-13T17:11:00.002+02:00

تقديم: مش هكتب عن غزة

لسببين:

أولهم: إني مش هاكتب زيادة عن اللي اتكتب وبيتكتب

واللي كلنا بنشوفو

مرة قريت مقولة مش فاكر فين بتقول:

"عندما تموت... فإن كلمات التعازي تبدو لك شديدة الوقاحة"

تانيهم : إن ده وقت أفعال مش أقوال

عندك فلوس..... أتبرع بيها

عندك دم..... اتبرع بيه

المرة الجاية لما تروح تنتخب........ أنتخب راجل

مات الكلام

....................

دي قصيدة أو خواطر أو حتى نثر -سميها حسب ماتحب- كتبتها بطريقة عصرية ساخرة

ف لحظة روقان -كنت بذاكر صحة عامة-

وبوجهها للحبيبة المجهولة اللي انا ذات نفسي مش عارفها

... إحتمال أكون بشبه

من الأول ومن قبل ماتقرا...

أحب إن سيادتك تعرف إني -زي مابقول دايما- مليش ف الشعر،

هاتفتكر إنها من شعر السطر الواحد

...هتلاقي فيها اللي يكسر قواعد السطر الواحد،

هاتفتكر إنها رباعيات

...هتلاقي فيها اللي يكسر قواعد الرباعيات

هاتيجي على نفسك وتقول ف عقل بالك كفاية الواد مألفها كلها

....هتلاقي آخر جزء فيها مقتبس من قصيدة ((جيفارا مات))

لعمنا أحمد فؤاد نجم

يعني م الآخر متقراش وريح نفسك

اللهم قد بلغت ... اللهم فاشهد

...............................

إلى الحبيبة المجهولة

من وسط ضلام روحي جيتي
جيتي.. وعلى باب قلبي ودقيتي
من غير كتر كلام وصلنا... وقلبي
اتفتح ،وكلي كلي بين ايديكي

==============

بحبك ياحبي من غير كتر كلام
والحب لغيرك أهو كلام والسلام
بعد مسافة ولا غيرو ،ميهمنيش
أنتي اللي تهميني من بين كل الأنام

===============

أنا قلبي ليكي من غير تمن
ووحشتيني..قام الرصيد لوحدو اتشحن
ربنا يخلي الشات ويطول ف عمرو
أدينا نحكي ونحكي وننسى الزمن

===============

رغينا لحد مالشحن راح
لا لاقي للبطارية شاحن ولا لاقي للعدة مفتاح
قلت أريح شوية عالمرتبة...على جنبي الشمال
مش عارف..تعبان أنا ولا انا كده مرتاح

===============

جيت أسافرلك لقيت قطري فات
وعشانك ،ركبت واقف بين العربيات
على لوحين حديد ببص للسما من الزيأ وبادعي
يارب .. وحياة النبي، استر فالمطبات

==============

عارف شعوري ناحيتك
ومش عارف شعورك ناحيتي
مشوفتكيش، ولا أعرفشي سحنتك
لكن قلبي بيبعت ليكي تحيتي

=============

صور كتير ملو الخيال
وألف مليون إحتمال
لكن أكيد أكيد ولا جدال
دا حب.. مش مجرد كلام واتقال

============

بس خلاص

لحسن تكحت

2008-09-05T02:05:00.005+02:00

"فيه نص باقي ورا ياسطى"

امتدت يده آلياً بأحد تلك العملات النحاسية التي تملأ "التابلوه" أمامه

كم يمقت هذه العملات المعدنية ،فكثيراً ماتضيع منه ،وحساباته لا تحتمل ضياع أكثر من ثلاث أو أربع قطع منها

ألقى نظرة على عداد الغاز ليدرك أنه حانت لحظة تعبئة الخزان الكائن بمؤخرة السيارة

دخل بسيارته الفولكس العتيقة المعتادة إلى محطة تعبئة الوقود ،ألقى نظرة خاطفة على الركاب ف المرآة التي تعلو رأسه

بقليل ... كالعادة ... لم يتذمر أحد

أوقف السيارة وترجل منها.. أتى عامل المحطة ليباشر عمله بينما وقف "الأسطى" ليحسب ربحه عن ذلك اليوم

"آخر فردتين مكنوش تمام..بس الحمد لله"

انتهى العامل ،ركب السائق السيارة ،أدار المحرك ثم استدار بسيارته يميناً ليجد في طريقها أحد تلك السيارات الفارهة

التي يبدو انها خرجت لتوها من التنظيف

ضغط الفرامل ليقيس بنظره المسافة بين السيارتين ،توقف ،لا يعلم بالضبط إذا ماسار هل "ستكحت" مقدمة سيارته

بمؤخرة السيارة أم لا؟؟

"تبقى مصيبة لو كحتت ،صاحب العربية دي هيطلع دين أمي"

ثم أضاء ذهنه أن يكون صاحب تلك السيارة أحد هؤلاء "العيال الفرافير بتوع اليومين دول" ء

للحظة سرت ابتسامة خاطفة بين تجاعيد وجهه المنهك ،فهو يتخيل ماسيفعله بصاحب السيارة المفترض إذا تشاجرا

أغلب الظن ...إنه "هيطلع دين امه" ء

قرر أن يمر ،ولكنه توقف مرة أخرى ،فماذا إذا تطور الأمر ليصل إلى قسم الشرطة؟ قد يتحمل إصلاح هذه السيارة

هو بالكاد يجد مايطعمه هو و"الولية" و"جرمء العيال" ،فهل يستطيع أن يتحمل مثل هذه التكلفة؟؟

أحس بمزيج من الحزن والغضب

إلى متى يلازمه الخوف؟

إلى متى يظل يعد نقوده كلما فعل شيئاً أو انتواه؟؟

إلى متى يظل الخوف ومعه النقود متحكمان

في كل تفاصيل حياته؟؟؟

إلى متى ....إلى متى ....إلى متى

احمر وجهه ،أدار المقود إلى أقصى اليمين ،توكل على الله

ضغط بدال الوقود بقوة كأنما يفرغ قهر سنين طوال

...........................................

لم "تكحت" السيارة

الإعجاز في تعبئة الوابور بالجاز

2008-08-29T07:28:00.007+02:00

بسم الله الرحمن الرحيم

"إذ قال يوسف لأبيه يا أبت إنى رأيت أحد عشر كوكبا والشمس والقمر رأيتهم لي ساجدين"

صدق الله العظيم،، ودي كانت آية من الآيات اللي شيوخنا أو علماؤنا بيستخدموها للدلالة على الإعجاز العلمي في القرآن الكريم

باديء ذي بدء أحب أوضح إيماني بأن القرآن يحوي من المعجزات الكثير ،بل هو معجزة في حد ذاته

ثاني ذي ثنىء - حلوة ثنىء دي... مش عارف جايبها منين - أحب أوضحلك إني مسلم لو كنت لسه مخدتش بالك من الموضوع ده لحد الساعة دي

ولكن - وإتــــّــك على لكن دي - الحاصل اليومين دول أيه بالظبط؟؟؟

أقولك أنا

بقت منتشرة قوي - ويمكن لو كنت متابع من تلات أربع سنين عشان كانت منتشرة أكتر - محاولات إستنباط الإعجاز العلمي من القرآن الكريم

أحب أوضح - وده السبب الأول لكتابتي البوست ده - إني معارض للفكرة دي

وأتمنى - وده السبب التاني لكتابتي البوست ده - إني أقدر أقنعك بمبدأي ورأيي ف الموضوع ده

ليه معارض؟

سؤال حلو...باين عليك بتفهم يانصة

معارضتي الأساسية بتقوم على مبدأ يتفرع منو ألف وبه وجيم

المبدأ هو إن محاولات إستخراج الإعجاز العلمي من القرآن الكريم هو ضرر يمكن الإستعناء عنه

إزاي بقى؟

هما دول ألف وبه وجيم

أ- أول حاجة وهيا اللي حصلت و بتحصل ، وهوا إنو يتم تفسير الآيات تفسير غير دقيق

مثلاً الآية دي

" إن الله عنده علم الساعة وينزل الغيث ويعلم ما فى الأرحام وما تدرى نفس ماذا تكسب غدا وما تدرى نفس بأى أرض تموت إن الله عليم خبير"

اتفسرت قبل إكتشاف السونار على إن البشر ميقدروش يعرفو جنس المولود وكلو فرد دراعات و و و و

طلع السونار.. وثارت البلبلة ... تصدقو إن مدرس الدين بتاعي ف إعدادي كان خلاص هيشت؟؟؟!!!

دا لولا إني لحقتو بالتفسير الصح واللي قالهولي مدرس دين - برضو - ف إبتدائي

إن التفسير الصحيح إن ربنا يعرف المولود وهيكون اسمو ايه، ومصيره ازاي ،تخين ولا رفيع ،طويل ولا قصير ،غني ولا زي حالاتي ،سعيد ولا متنيل على عينو....إلخ

واللي يدعم التفسير ده إن الآية ورد فيها (ما) و (ما) ف اللغة العربية أعم من (من)

والله أعلى وأعلم

ب- تحميل الآية القرآنية أو لي عنق الآية - إن جاز التعبير - عشان تنز تفسير غيرر موجود أساساً.

ومثالي هنا الآية الموجودة أول البوست ، أعمل سكرول أب مع نفسك عشان مش هكتبها تاني

الآية دي اتفسرت على إنها تعني مجموعتنا الشمسية وده كان بعد إكتشاف إن المجموعة فيها كوكبين زيادة على التسعة بتوع إعدادي

طبعا دا تحميل للآية الكريمة بما ليس فيها

اولاً كده بالصلاتو عالنبي...فين بقية الأقمار اللي ف المجموعة ؟ مش عاملين إشتراك ولا أيه؟؟ طيب مش ربنا برضو هوا اللي خلقهم؟؟؟

تيجي تقولي إن سيدنا يوسف هوا اللي حلم باللاوعي بتاعو وإنو مشفش الأقمار التانية عشان تدخل ف اللاشعور

طيب وهوا كان شاف بقية الحداشر كوكب؟؟؟؟

ثاينا... نعمل أيه ياولداه بعد أما علماء الغرب - الكفرة - شالو بلوتو مالمجموعة؟ ها؟ إتزنقنا إحنا كده ؟؟

جيم - خلينا نخلص - ودي بعيدة شوية لكن واردة

افرض بقى إن الموضوع كلّ مع الجماعة العلماء الغربيين .... وحيث إنهم المتحكمين ف العلم حالياً

نشغل نظرية المؤامرة شوية بقى

طيب إفرض إن ثلة - حلوة ثلة دي... أنا مش عارف حافظ الحاجات دي إزاي - منهم اتفقو وحاولو يهدمو النظريات اللي علماؤنا بيستخرجوها من القرآن عمال على بطال؟

بيتهيألي الليلة ساعتها تبقى واقعة علينا بخسارة

طبعا الإحتمال ده لسه قدامه كتير بس ممكن نعتبر إن موضوع السيد بلوتو المحترم ده أولهم لو خيالنا واسع شوية

وطبعاً فيه جزء تاني عن إلصاق صفة المعجزة بما هو ليس بمعجزة ،ولكن هذا - على رأي د/أحمد خالد توفيق - بوست آخر

الساعة السابعة صباحاً

2008-08-17T22:58:00.004+02:00

يوم الثلاثاء 8-7-2008

الساعة السابعة صباحاً

أخيراً نجح صديقي أبو الفتوح في إيقاظي بتلك المدرسة إستعداداً للذهاب إلى الوحدة

الصحية بقرية البلايزة -مركز أبو تيج -محافظة أسيوط ،وذلك لمتابعة الكشف على

الحالات التي قمنا بحصرها -نحن وبقية الزملاء- في اليوم السابق

**********************************************************************************

يوم الأربعاء 9-7-2008

الساعة السابعة صباحاً

-المينا النهري

-ماشي

-على كام؟

-اتنين ونص

-أوك

أستقل التاكسي متوجهاً إلى محل إقامتتي بمدينة قنا وبعدها أذهب إلى منطقة التجنيد

لإستخراج تصريح السفر

**********************************************************************************

يوم الخميس 10-7-2008

الساعة السابعة صباحاً

أغلق المصباح الكهربائي ،أتمطى في السرير بتعب

حقاً ،لقد استغرق القطار كثيراً جداً للوصول إلى القاهرة!!!ء

**********************************************************************************

يوم الجمعة 11-7-2008

الساعة السابعة صباحاً

أبحث عن زر تحريك المقعد ،بينما يتحرك الأتوبيس من موقف البولمان بدمشق حاملاً

إياي مع مجموعة من الأصدقاء المصريين

**********************************************************************************

يوم السبت 12-7-2008

الساعة السابعة صباحاً

لاعناً الحمام البلدي واللي اخترعوه ، أعود إلى غرفتي بالمدينة الجامعية بمدينة حلب

لأجد ماجد وقد استغرق في سبات عميق...ء

باااااااااااااااااك

2008-08-12T02:07:00.003+02:00

كيفكن؟ شلونكن؟ شخباركن؟ شو مسويين؟ شو عاملين؟ شو صايرين؟ شو مهبين؟

من غير شتايم.... أنا عارف إني اتأخرت هيك........ بس غصب عني واللهي

أنا خلصت الرمد دخلت على أنف وأذن وبعديه شرعي وبعديه صحة عامة ثم المعسكر ثم إلى سوريااااااااااااااااااااااااااااا

آريآ ريآآآآآآآآآآآآآآآآآآآآ

رحت سوريا وأنتو لأاااا

وبالنسبة لسوريا فنص المواقع محجوبة ومنها طبعا المدونات

طبعا هوريكو الفيديوهات والصور بس بعدين

واحشني جامد وبإذن الله أعوض اللي فات

سي أول اوف يو

2008-05-28T23:32:00.004+02:00

أنا خلصت الرمد يارجااااااااااااااااااالةةةةةةةة

رجاااااااااااااااااالةةةةةةةة

جاااااااااااااااااالةةةةةةةة

ااااااااااااااااالةةةةةة

لةةةةةةة

ةةةةة

كانت معركة بجد عديناها بأقل الخساير

طبعا لو ابتديت بإعتذار عن الغياب هقعد أعتذر شهرين ، نخليها ف الآخر دي

الفترة اللي فاتت كنت بحاول اعدي الرمد بأقل الخساير ،أو حتى أعديه والسلام

البداية كانت خمسين درجة شفوي من الميتين وخمسين

وكتيري أكون جبت منهم عشرين

طيب والعمل ؟؟؟؟ ... كده فاضل 130 درجة ع النجاح

وهكذا .......ولأول مرة......... ذاكرت بجد

دخلت النظري والنهاردة طلعت م الشفوي

بس أييييييييييه... دكتور ربنا يكرمه

بيسأل في طلاسم

الحمد لله على كل شيء

أهم حاجة إني أبارك لخالو (خالو هوا مش خالي أنا) أحمد الصباغ

صاحبي وحبيبي وكفاءة على رأي اللمبي

أباركله على أيه؟؟؟

على كتير

حوارات لجرايد وقناة الحرة ومشاركته الفعالة في إصدار العدد الأول لكتيب "مدونات مصرية للجيب"

للأسف مقدرتش أحضر الحفلة عشان الإمتحان

بس ممكن تشوفو كل التفاصيل على المدونة بتاعته

لزوم اللزقة بقى .... أدي صورتين أتصورتهم معاه بعد أول لقاء ليا بيه وعدد من

المدونين اللي سمعت عنهم بس مشوفتهومش

دي صورتي أنا والصباغ

هيا سناني صفرا أوي كده ليه؟

دي بقى صورتي أنا والصباغ ومحمد جست هيومان وأحمد سو

هيا مناخيري كبيرة أوي كده ليه؟

اللقاء ده كان يوم 5/4 في ميدان مصطفى محمود

وف الآخر أعتذر لكل اللي عدى هنا ولقى آخر بوست بتاريخ 9/4

بجد أستاهل ضرب الـ... ولا بلاش

أدعولي ف الأنف والأذن بقى

إمتحان راوند الشرعي....متخفش

2008-04-09T17:22:00.003+02:00

آدي بقى اللي حصل الفترة اللي فاتت

إمتحان راوند الشرعي

الصورة اللي كل الناس بيسألوا عليها دي صورة واحد مصاب كتبت عنه تقرير إبتدائي

ولله الحمد ...الإمتحان كان سهل

بس حصل موقف ظريف جداً جداً

كنت انا وصلاح صاحبي مش مذاكرين أوي

وفضلنا ليلة الإمتحان لحد الفجر نراجع صور الجثث وعينات الجلد والرصاص ...وكل اللي ممكن تتخيلوه

بس عينات الفك السفلي كانت معقدانا في عيشتنا وبالتالي - زي مابيحصل دايماً - نفضنلها

المهم... البوب جه متأخر على الإمتحان

ولحظه النحس دخل على عينة فك سفلي وكان الدكتور اللي بيسأل عليها من الدكاترة الشديدة جداً

صاحبنا قعد لغاية ماكل الطلاب خلصوا اللجنة الأولانية وقربوا يخلصوا اللجنة التانية

اتفقت انا واتنين أصحابي إننا نزفه لما يطلع

اتفقنا على الأغنية

ركزوا معايا بقى

باب اللجنة بتاعته على اليمين

وآخر القسم على الشمال

بصيت على الشمال لقيت رئيسة القسم جاية

أبص على اليمين ألاقيه بيطلع من الباب

أبص على اليمين ألاقي إن رئيسة بقت قدامي وضهرها لينا

أبص على جنبي ألاقي الاتنين اللي معايا بيستعدوا للغنا

وفي نفس اللحظة حصلت التلات حاجات

1-صلاح بقى ظاهر لهم

2-رئيسة القسم بتلف وشها ناحيتنا

3-بدأوا يغنوا

ياصلاح الخير ياللي معانا ...ياللي معانا

الديك أهو غنى وصحانا ...وصحانا

الله...الله...الله

دي كانت من رئيسة القسم

بس الحمد لله ...اليوم عدى من غير دم

عدنا...............

2008-03-27T00:05:00.004+02:00

معلش ياجماعة .....غبت الفترة اللي فاتت غصب عني رغم إني كنت ناوي ألتزم

على العموم ده كان غصب عني

إزاي؟

سؤال وجيه

آخر بوست كتبته كان بتاريخ تمانية مارس

بعدها بقى كان معايا جدول مشحون

11-3 : إمتحان راوند الشرعي

14-3 :تنظيم رحلة أسرة التحدي للفيوم والقاهرة ودريم بارك

17-3 : العرض الأول - وغالباً الأخير - لمسرحية خط أحمر

19-3 : لقاء مع وكيل الكلية لعقد نقاش عن المسرحية!!!ء

دي من غير صور ...ليه؟ ... هتفهموا كل حاجة في وقتها

22-3 : المعرض الخيري لجمعية أصدقاء البيئة

26-3 : إمتحان أعمال السنة لمادة الصحة والعافية...أقصد الصحة العامة ، وعودة تربيطات إنتخابات إتحاد الطلاب إلى سطح الأحداث

واديني قاعد اكتب

أحلى حاجة في الجدول اللي فات إن أحداثه كانت يونيك وتستاهل إنها تتكتب

........... سنعود

ليبيا......تحياتي

2008-03-08T19:04:00.004+02:00

إستطاعت ليبيا في خطوة متوقعة ورائعة أنا تعرقل إصدار بيان عن مجلس الأمن لإدانة عملية القدس التي نفذها عضو بحركة حماس وأدت إلى مقتل 8 وإصابة 35

الحقيقة الخبر اللي فات ده كيفني على الآخر...قال صحيح ياولاد اللي ليه ضهر

ليبيا مرفضتش القرار...لكنها اشترطت ربط الإعتداءات على غزة وتضمينها في القرار

وطبعاً المندوب الإسرائيلي معرفش يسيب الموضوع يعدي كده من غير ما ينغجله بكلمتين

الشاب اللطيف قال:"هذا ما يحدث مع الأسف عندما يخترق إرهابيون مجلس الأمن

الدباشي رد عليه

لسنا بحاجة إلي شهادة حسن سلوك من النظام الإرهابي الإسرائيلي أو ممثليه هنا

ليبيا ....تحياتي

رداً على موضوع :عيب يازملاء

2008-02-26T01:55:00.005+02:00

هذا هو ردي على موضوع (عيب يازملاء) والذي عرض في أحد المعارض بكليتي العزيزة.....الرد لم

يتم نشره لأسباب أعلمها ولا داعي لأن ترهق نفسك في إستنتاجها ،فقط أقرأ الموضوع المنشور وردي

عليه

عيب يازملاء
حقاً لا أعرف كيف أبدأ حديثي ومايجعلني أتردد في الكتابة هو شكي في أن تكون كلماتي قادرة على ان تحمل رداً مفحماً لما أسميه بإهانة يجب الرد عليها.
لكن خوفي من أن ينام الموضوع وينتهي دون أن يجد من تعدى حدوده رداً يردعه ويجعله يفكر ألف مرة قبل أن يتطاول ويتجرأ ويكتب أو يرسم أشياء سخيفة هي أولاً وأخيراً إن كانت قد أهانت أحداً فقد أهانته هو ودلت على شخصيته ونفسيته فالقليل قليل بعمله والتافه تافه بكلامه .
خوفي هذا هو مايجعلني أكتب أنا وأتحدث أنا دون تفويض من أحد ولكن نيابة عن كل من مستها إهانة ولو بسيطة بتلك التهكمات الجارحة ،ولكي يكون الأمر واضحاً دعوني أشرح لكم لمً كل هذه المقدمات وسأجعل لكم الحكم.....
البداية كانت عندما دخلنا أحد معارض الكلية التي تعرض فيها مواهب أبنائها ووجدنا رسماً كاريكاتيريا لفتاة.
أسمحوا لي ان اعترف أن صاحبها قد برع في أن يرينا كم هي قبيحة الخلقة ورسماً آخراً بجانبه لها بعدما أضافت لها سنوات الكلية قبحاً على قبحها وسرقت منها الصحة والشباب ،فنجد الرسم الآخر لعجوز تمشي بعكاز.
آه آسفة نسيت أن أنوه أن الفنان المحترم قد قصد بتلك الرسومات طالبة كلية الطب – والمفترض أن ولا واحدة تزعل واللي على راسها بطحة – أتذكر ساعتها أني ضحكت على تلك الخفة ولم أر أن في هذا الموقف إهانة مقصودة بل هي روح الدعابة التي تجعلنا نستغل كل المواقف للضحك عليها ولا مانع من المبالغة طبعاً ولكن كانت المفاجأة أن توالت بعدها موجات السخرية وكأن أول من بدأ قد فتح الباب لأفواج وأفواج ممن سمحوا لأنفسهم بتخطي كل الحدود وإنتهاك كل الإعتبارات من بينها الإعتبار الأخلاقي والديني الذي لا يستهين به إلا فاجر،وآخر تلك الإستخفافات مقال ظريف جداً دعا فيه صاحبه أصدقاؤه وكل الشباب معهم إلى تجنب الزواج من الدكتورة حتى ول انتهى به الحال أن تكون عروسته عورة ،فهي ستكوت أحسن من الدكتورة
وأنا اضيف له معك حق ، فياسيدي العورة ستكون مناسبة لك تماماً ولكن هل أنت واثق أنها ستوافق ؟ ولكن مارأيك في العمياء حتى تراك جميلاً كامل الأوصاف؟
هذا ردي على العنوان أما الموضوع فلا رد عليه وللأسف لم يكن هذا المقال آخر تلك الوقاحات لأننا مالبثنا ان وجدنا آخرين يطلون علينا برسوم أخرى لا تستحق حتى التعليق فاسمحوا لي بأن أوجه بعض التساؤلات إلى كل واحد من هؤلاء:-

س1 ألا ترى أن الكلية الوحيدة التي يسب فيها الطلبة زميلاتهم علناً دون أي إحراج ويتكرر ذلك مراراً وكأنهم قد أرادوا تأكيد وقاحتهم وإستهانتهم بكل الإعتبارات؟

س2 ماذا تظن رأينا نحن في طالب كليتنا المصون ؟ هل أنت واثق أننا نراه قد اجتمعت فيه كل المحاسن و خصوصاً المروءة التي عرفناها جيداً؟

س3 ماهو مقياس الجمال في نظرك ؟ وماذا تنتظر أن تفعل بنات كلية الطب كي ترضي سيادتك؟

وأخيراً وليس آخراً أود ان أذكر بعض الملحوظات:

أولاً : كل من يراني جريئة أو يراني مبالغة أقول : عذراً ولم يكن هناك سوى الرد وسيلة لإيقاف تلك المهزلة نحن-أقصد بنات الكلية- ليس هناك مايجبرنا على تقبل هذه السخافات وإن كانت لا تمس كل واحدة في شخصها لكن يجب أن يعرف كل هاو ومحترف في الرسم أو الكتابة أنه لن يسمح له في التحدث عنا إلا بالإحترام والتقدير وإلا سيكون ردي ورد العشرات جاهزاً بعون الله

ثانياً :يجب التنويه إلى أني لم أقصد إهانة شخص بعينه لأني ليس لي الحق في ان أقلل من شأن أحد فنحن أولاً وأخيراً زملاء الأساس في تعاملنا هو الإحترام المتبادل والتعاون المثمر وادعونا جميعاً إلى إتباع الأسلوب الراقي في تعاملاتنا لأن من يتعمد التجريح فإنه يصوب سهمه تجاه نفسه ولا يتأذى من كلامه سواه

ثالثاً : دعوة إلى كل صاحب موهبةخقيقية ان يستغل موهبته هذه ويقدم بها الفكر النافع والراقي كما أن الضحك والدعابة هما أجمل ماعرفه العالم كله عن المصريين لكنالمشكلة أننا من كثر همومنا ومشاكلنا عايزين الضحك على أي شيء ومن غير سبب لدرجة إننا تلاقينا إحنا اللي طلعنا أكثر وأفظع النكت على الصعايدةولدرجة كمان إن النكت كثيراً ما تمس الدين فتلاقي نكت على الشيخ والأذان والجامع وكفاية كده

إنما الأمم الأخلاق مابقيت إذا همو ذهبت اخلاقهم ذهبوا

كان هذا هو المقال وحان دور الرد أو - لنقل - التعقيب:

I am A Male

الحكاية من البداية:ء

اعتدت في الفترة الأخيرة أن أرى بعض مقالات معروضة او رسومات لها علاقة بالفتيات.

وانتشر هذا في معارض الأسر المختلفة بالكلية بدرحة لا يمكن إعتبارها ملفتة إذا ماقورنت نسبة هذه الأعمال بباقي الاعمال الأدبية والفنية المعروضة في أي معرض

وكعادتي كنت أمر على هذه المقالات والرسومات مرور الكرام ،فقد أضحك من طرافة إحدها او اخرى.

فهدف هذه الاعمال كانت كما كنت أظن -ولا زلت- هو الفكاهة في المقام الأول وعلى الطريقة الشعبية الشهيرة - اللي يحبك يناغشك

نعم ...الفكاهة ،فلا أظن أن احد لا يتمنى أن يرى نفسه يوماً ما في (الكوشة) بجوار أحد تلك الفتيات اللاتي -على سبيل المزاح الذكوري الثقيل المعتاد- قد سخر منهن برسم أو عدة كلمات

وفي يوم من الأيام وجدت المفاجأة...............استطاع مقال لإحدى الزميلات أن يدهشني أو (يثبتني ) إذا جاز التعبير

فالزميلة -مع كامل الإحترام لشخصها الموقر- قد وقعت في فخ بالغ السوء حتى إني شعرت بالإشفاق على مقالها جراء أسلوبها الذي أتبعته

ففي مقال بعنوان (عيب يازملاء) ورد على لسان كاتبته - التي تنتمي للجنس اللطيف أو النص الحلو كما يقولون ونقول - بعض الألفاظ التي أعتبرها للأسف غير لائقة

كنت أظن ان الموضوع يثير الفكاهة في إتجاه مضاد أو يرد على أحد الموضوعات سابقة النشر بتفنيد مافيه ، ولكنني فوجئت بلغة بالغة القسوة.

فقد اعتبرت ما عُرض من مقالات أو رسومات إهانة ،،،رافضةً أي روح للمرح

كما وصفت هذه الأعمال بالتفاهة على الرغم من مستوى هذه الأعمال التي ترتفع بمستواها إلى حد أعلى من المتوسط في رأيي المتواضع

بل لقد وصلت إلى حد أن اعتبرت هؤلاءالشبان تافهو الشخصيات ،،،وهو مايصل بوضوح إلى حد التجريح الشخصي الصريح

كما اتهمت هؤلاؤ الشبان بتجاوز الحد الديني (لا أعلم كيف) وأدعت أنهم فجرة!!!!!!!!!!!!!!!!

وعلى رأي أحد معلقي مباريات كرة القدم

(ماهذا الذي يحدث أمامنا ،شوف شوف شوف ،شووووووووووف شوف شوف شوف)

فقد استمر المقال على هذا النهج ،إتهامات وإهانات تكال بالجملة صراحةً وضمنياَ

منها:ء

((العورة ستكون مناسبة لك تماماً-وقاحات-إستهانتهم بكل الإعتبارات-هل ترى إننا نرى أن طالب الكلية قد توافرت فيه المروءة؟(تساؤل غرضه أدبياً النفي)-(وختاماً بيت شعري واضح الغرض يقول:) إنما الأمم الأخلاق مابقيت إذا همو ذهبت أخلاقهم ذهبوا))ء

هذه هي الألفاظ التي وردت والتعليق متروك للفتيات أولاً

فقد كان من الممكن الرد على مالا يعجبك أياً كان بأسلوب يخلو من تلك الألفاظ ولايسقط بالكلمات في فخ الفجاجة

وأود أن أذكر بحقيقة إجتماعية ،وهي أن الحركات القائمة على أساس الجنس هي حركات نسائية فقط ،والتي تسمى نوعياً بالفيمينيست والتي تنادي بالعديد من الأشياء بعضها مفيد وبعضها مؤداه

(ألا لعنة على ذلك الكائن المدعو بالرجل....فليذهب إلى الجحيم )ء

أقول هذا لأوضح موقف الشباب الذي لا يحمل أي ضغينة حقيقية للفتيات، وأنا شخصياً أتمنى ان أتزوج بفتاة من كليتي ،لا مجاملةً، بل على الأقل أضمن بهذا تقارب في الثقافة والعقلية ،إلى جانب تاريخ مرير مشترك ،بس اللي تستنى

وفي النهاية أقول كما قالت الراحلة سعاد حسني:

البنات البنات

أجمل الكائنات

فيابنات يابنات

لاداعي لهذه اللهجة إطلاقاً

بوست يوم طويل جداً.....بالتفصيل

2008-02-23T01:30:00.000+02:00

تحذير : البوست ده طويل جداً... اصبر بس وبإذن الله يعجبك
-------------------------------------------
أخيراً ...وبعدطول إنتظار -منكم بقى أو مني...إحنا واحد- قررت إني أكتب البوست اللي أتأخر كتير جداً

بوست يـــــــــــــوم طــــويــــل جــــــــــــــــــــداً

اليوم ده كان تاني يوم بوست فليسقط البنك الأهلي المصري

قبل ماأنام أخويا الكبير اتصل بيا

هو: أيوه يابني ...نام بدري النهاردة

أنا: ليه

هو:عشان حتستنى على محطة الجيزة الصبح تاخد ورق من واحد

أنا : الساعة كام

هو: يوصل عندك الساعة 9

أنا: أحاول أصحى

هو: أنا هصحيك بالتليفون

نمت وصحيت على 15 رنة منه ، شربت الشاي ونزلت بدري ،قلت أمر على البنك الأهلي

آخد الكارت اللي اتسحب

عديت على البنك ،شافوا البطاقة،أدوني الكارت

ياسلاااااااااااااااااام ،فينها السلاسة دي إمبارح

المهم ....طلعت على المحطة ،وبعد ماالقطر وصل وخدت الورق من مبعوث الأوراق

المتحدة اتصلت بأخويا

أنا: كله تمام يابرنس

هو: أنت جوه المحطة لسه؟

أنا : أيوه

هو: فوقيك محطة المترو

أنا: موجودة،لسه ماتشالتش

هو:طيب تطلع تاخد المترو، تنزل آخر خط شبرا ،تاخد عربية بنها ،هيستناك واحد معرفة هناك ،ياخدك بالورق ،الورق ياخد ختم ،تاخد منه الورق وتضرب نفس السكة بالعكس تلاق نفسك في الجيزة

أنا: لا ياشيخ

هو: بجد واللهي، سلام عشان هدخل في الدقيقة التانية

بيب بيب بيب

ماشي ياعيلة.....عديمة الرصيد،،،،وبعدين أنا اللي متصل

ركبت المترو ونزلت شبرا،ركبت عربية بنها، ولسه هاغفي شويتين ألاقي واحد صاحبي بيرن

رنة ،اتنين ،تلاتة......لا كده بيتصل

أنا: يارصيدو الكتير

هو: أبو يوسف ،أخبارك؟

أنا: اختصر ،عايز أنام

هو: طيب ،أنا رحت المدينة أحجز لك معايا ،لقيتك مشطوب ،سألت عن القصة قالولي إنك مستبعد أمنياً

أنا: نعم ياروح أمك

هو: واللهي ياعم

أنا: ممممم ،هوا اليوم بيبان من قبله بيوم ،خلاص ،أتأكد أنتا بس وأنا هاعمل إتصالاتي

قال يعني ابن أخت وزير الداخلية

المهم .......اتصلت بواحد معرفة ،وقولتله ،قاللي طيب أقفل وأكلمك بعد شوية

استمرت رحلة العربية بإتجاه بنها وأنا أفكر في ألف حاجة، طيب أنا أتشطب أمن بتاع

أيه؟...دانا باركعها حسب الظروف ،ده غير إني بايظ وفاسد أساساً ،وفيه بعض روايات

بتقول إني زنديق

وي ول وي ول روك يو ،وي ولوي ول رو.....ء

أنا: أيوه ياباشا

المعرفة: أيوه يايوسف ،بص ،حكاية الإستبعاد دي متكونش غير أمن دولة

أنا: أمن دولة

هو: أيوه أمن دولة ،بس قبل مانسأل أتأكد من صاحبك اللي بلغك ،قوله يتأكد إن اسمك موجود في الكشف بتاع المستبعدين

أنا: اوك ،هابقى أتصل بيك

اتصلت بصاحبي وقولتله البقين ،قاللي ماشي ويبقى يتصل بيا

نزلت بنها ،قعدت أدور على المعرفة لغاية مااتصل بيا

قابلته وركبت عربيته وطلعنا على المصلحة

واحنا ماشيين بالعربية ،بابص تحت الدركسيون لقيت سحابة بيضا

أنا (ببراءة واضحة) : أيه الدخان ده

هو: يانهار أسود ،العربية بتولع

أنا: بتولع

نزلنا من العربية جري ،فتح الكبوت ،وفيه ناس على القهوة اللي وقفنا جنبها طلعوا

يجروا ويصرخوا

الأول: هات رملة وارمي ،هات رملة وارمي

الثاني: فك البطارية ياأستاذ ،بسرعة

وفي مشهد يذكرني بمشاهد الأكشن في الأفلام الكمبودية ،لحق الأستاذ إنه يفك أسلاك البطارية قبل تدهور الموقف

الجمع: الحمد لله ،شوفوا الميكانيكي بقى

الأستاذ :لأ ،أنا معايا سلك بدل اللي إتحرق ،المروحة هيا السبب

بعد الإصلاحات ،ركبنا العربية ،خلصنا المصلحة ،رجعت الطريق بالعكس ،وفعلاً لقيت

نفسي نفسي في الجيزة

ذكي واللهي أخويا ده

رجعت كلت وريحت ساعتين ،وبعدين اتصلت بابن خالي

أنا: فاضي يابني بعد ساعةهو: فاضي

أنا: طيب أنا هجيلك المعادي عشان عاوز أشتري هدوم

هو: من جراند مول

أنا: هوا أنت تعرف غيره

هو: مستنيك

قفلت السكة و...... أوووووووبس نسيت موضوع المدينة خالص

اتصلت بصاحبي

أنا: أيوه يابشرة الخير ،أيه أخبار الموضوع

هو: إشتغالة ياصاحبي ،تشابه أسماء ،وغلطة في الكشف

أنا: يعني أمان

هو: أمان ،بس انزل أسيوط بدري عشان عايزين بطاقتك وحاجات زي كده

أنا: أوك يامان ،ألف شكر

نزلت عشان أسحب فلوس ،سحبت المرة دي

ناو .... آي كان ريست إن بيث

ركبت المعادي ،قابلت إبن خالي واشتريت الهدوم

مش عارف أيه اللي طلعها في دماغي بلاي ستيشن الساعة دي

أنا: تعرف واحد بتاع بلاي ستيشن

هو: أعرف

أنا: طيب بينا ...عازمك على كام جيم

رحنا ، والوقت سرقنا ولا حسينا بين همس عيونا ولمس أيدينا....(أكمل الأغنية)

الحساب كام يامان، ساعتين ،عشرين جنيه

!!!!!!!!!!!!!!!!!!!!!!!!!!!!!!!!!!!!!!

فينك ياأسيوط ،بالعشرين جنيه دي كنت خدت الجهاز بالتليفزيون بالراجل اللي بيحجز أربع ساعات في المدينة

بعد ماكعيت العشريناية

أنا: طيب سلام بقى

ابن خالي: لأ ،خالك قال تبات عندنا النهاردة

أنا: طيب يلا بسرعة

عايز أنااااااااااااااااااااااااااام

عيد أضحى سعيد

2007-12-20T05:08:00.000+02:00

كل سنة وأنتوا طيبين

الفيديو ده من تصويري لما بعد صلاة العيد

يلا عيشوا

مصر بتبكي......2

2007-12-20T04:56:00.000+02:00

شغب في مدينة إسنا بسبب حدث فردي لمواطن مسيحي

إعتداءات على كنيسة وممتلكات لأفراد مسيحيين

قال صديقي الإسناوي: الإمتحان خلص ... وهننزل نقفلّها

تنويه عام ...عشان متجيش تقول إني منوهتش...."حلوة (منوهتش) دي"

2007-12-09T21:42:00.000+02:00

حيث إنها بقت عادة قذرة عندي في إني أكتب الموضوع ومكملوش

وحيث إن أغلبكم - وخصوصاً أنت ياللي بتقرا دلوقتي - فاكرني باستعبط

ومن منطلق إن اللي بيته من إزاز ميحدّفش بنت أخته بقشر اللب

فإني قررت إني أكمل كل المواضيع إلا لو جه القضا قبل كده

محدش يتخنق مني

إحتجاب

2007-10-30T02:45:00.000+02:00

تعلن مدونة يوسفيات عن إحتجابها يوم 30أكتوبر

شارك في الإحتجاب

لمزيد من المعلومات المفصلة عن الجرائم الأمريكية

فن الإخراج...لاحظ تغير الموسيقى

2007-10-23T01:46:00.000+02:00

مصر تبكي...1

2007-10-08T23:37:00.000+02:00

ع النيل قعدت الصبية

الصبية طويلة الشعر

أما بالنسبة للهوية

والاسم ،فاسمها مصر

سألوني ..قالوا مالها

قلتلهم بتبكي حالها

مصر بتبكي

..............

بكوّها عيالها

كان هذا هو الموجز وإليكم الأنباء بالتفاصيل

.........

2007-09-27T01:19:00.000+02:00

معلش بقى... أستحملوني البوست ده

مش عارف أبدأ منين...ولو عرفت...طيب أبدأ إزاي

أحاول

أيه مفهوم الخيانة؟...أعتقد إنه مقابلة الطيب من القول والفعل بالخبيث منهم

حيث كده....يبقى أنا أتخنت ياجماعة

تخيّل لما حد يكون صاحبك بشدة....وفجأة يقولك أنه عايز ينهي كل اللي بينكم

تخيّل لما يكون ده بإيعاز من شخص تاني... زيه زيك.... وربنا ماصلاش عليه ولا سلّم

تخيّل لما يكون إنهاء العلاقة بإنه يصدق كلام عليك من شخص ميعرفوش كويس

مجرد إنه يصدق وبعد العشرة ،وبعد المودة تبقى دي مصيبة

إنه يقولك أنا عايز أنهي كل حاجة بينا على أساس الكلام ده فدي الكارثة

تخيّل لما تكون بتعز الشخص ده جامد وبعدين ييجي يقولك إنه مش مهم الكلام ده صح ولا لأ، المهم إنه عايز يقطع أي خيط بينكم

تخيّل لما تكون مش عارف تدافع عن نفسك، ولا تزعل منه لأنه شك فيك

تخيّل لما يردد كلام عليك هو ذات نفسه ميصدقوش

تخيّل لما تكون فهمته صح من وسط300فاهمينه غلط، وبتدافع عنه لوحد أتعرض لسيرته

تخيّل لما تكون بتتمناله كل خير، وبعدين تبقى بتتمناله الشر بس برضو نفسك مش مطاوعاك

تخيّل.... تخيّل.... تخيّل

أنا مخنوق جداً ياجماعة

وبالتالي

2007-09-23T23:02:00.000+02:00

مش عارف ليه أخترت العنوان ده...أهو عجبني وخلاص

أنا عليا كام موضوع مؤجل كده ومنهم موضوع يوم طويل جداً.. بس كل ماأجي أكتبهم الكيبورد يقعد يستعبط

المهم ...انا النهاردة كنت عايز أكلمك عن فكرة جت في بالي ...خليك معايا كده واحدة واحدة

فكرت لما تموت هيحصل أيه...استنى بس ...لو فاكر إني هدخلك في وصلة موعظة يبقى أتسرعت زي ماأنا متوقع

لأ ياسيدي... الفكرة إنك كده بعد عمر طويل هتموت... تنزل التربة.... تقعد كام يوم...تبدي بعدهم تغيرات فسيولوجية

بطنك هتتنفخ... وبعدين تفرقع والدود يظهر

أكيد لا المنظر ولا الريحة هيبقوا كويسيين... بعدها بكام شهر ولا سنة تتفتح التربة وينزل واحد غيرك

يعني جتتك ماحصلش منها أي فايدة غير منظر وريحة مش حلوين أوي

طيب ليه ميبقاش فيه إستفادة منك لما تموت

مش فاهم أنا عايز أقول أيه؟؟... قصدي تتبرع بأعضاءك ياعسل

من الناحية الإنسانية

طبعاً أكيد سمعت كام واحد بيتعذب ويموت بسبب إن كليته أو كبده بايظين

أكيد تعرف إن أغلب أعضاء الجسم ممكن تتنقل من أموات لأحياء وشغال

ممكن تكون شفت برنامج طارق علام عن الطفلين اللي كانوا محتاجين قرنية عشان يشوفوا

أكيد سمعت عن عيلة بتشحت عشان عائلها الوحيد عنده فشل كلوي ومش عارف يجيب القرش

من الناحية الإنسانية ... فأكيد الموضوع ده كويس... سيبك من أهلك وأمك وأبوك... يبقوا ياخدوك فاضي ويدفنوك... المهم أنت قابل الفكرة ولا لأ؟

من الناحية الدينية اللي أغلب المصريين والعرب عموماً بيقدروها جداً... وإلا مكناش سمعنا عن الإخوان.... أنت مش شايف إن دي ممكن تبقى صدقة جارية؟... تقولي جسمي أمانة ولازم أرجعه كامل لربنا... طيب مش ربنا رحمن رحيم... هيبقى أقسى منا على عباده يعني؟
وسيدنا عمر قال "شيء ينفع أخاك ولا يضرك، فلماذا تمنعه؟"... يعني سيدنا عمر ذات نفسه بيتكلم بنفس المنطق

لو موافق أكتب تعليقك باسمك الثلاثي ...لو موافق وخايف من أهلك أكتب اسمك الأول بس...لو مش موافق على الفكرة قول ليه

ملحوظة أخيرة...دي مجرد فكرة جت ببالي ... مش تبع أي جمعية

ربنا يهدينا

رمضان ...بشرطة

2007-09-18T00:24:00.000+02:00

صوماً مقبولاً

وإفطاراً شهياً

رمضان

2007-09-13T15:03:00.000+02:00

أحدهم

رمضان كريم

أنا

الله الغني

..............................

مترو

2007-09-10T22:06:00.000+02:00

كنت أجلس في المترو.... أطالع مقالاً عن الشائعة التي دارت مؤخراً حول صحة الرئيس في جريدة الفجر

سألني الراكب الجالس أمامي

هوا الريّس مات

نظرت له ملياً...ثم قلت

لا ...لسه

يوم طويل جداً

2007-09-10T06:04:00.000+02:00

قــــــــــريــــــــــبــــــــــاً

عشان عايز أنام دلوقتي من التعب

فليسقط البنك الأهلي المصري

2007-09-08T22:09:00.000+02:00

حملة إعلانية... وكلام يخلي الواحد منا يدمع ..وإشتغالات للصبح ...وفلوس بتتحط تحت اسم الحساب الجاري وتشتغل وتجيب فلوس ومفيش ريحة الفوايد للي حطوها

طيب ياعم مسامحين فيها...وأعمل إعلاناتك خلي الناس تُرزق

بس وحياة النبي ... صلح مكن الصرف الأول

الحدوتة هي كالتالي

نزلت النهاردة لابس الحتة الزفرة وناوي على إني أشتري هدوم

قلت أسحب خمسمية أشتري والباقي أخليه في أيدي

أروح مكنة الصرف في ميدان الجيزة ..أحاول أصرف الخمسمية ..مفيش ..طيب نقول مية ...مفيش ..خمسين ..مفيش ..عشرين ..عشرة ....طيب اتنين جنيه اتعشى بيهم ...برضه مفيش

رحت المكنة اللي في الشارع الجانبي عند منزل الكوبري

نفس القصة

ركبت مواصلة ورحت عند السفارة الفرنسية ..فرع كامل ..مكنتين صرف وزيهم إيداع

مفيش

قولت أرجع بالعكس

الشارع الجانبي ..مفيش

مكنة الميدان ..دخّلت الكارت ...ودوست 20المكنة استنت شوية وبعدين

مرحباً ..برجاء إدخال البطاقة

بطاقة مين ياعم؟ ..البطاقة جوه

أكنسل ..أخبّط ..أرن على الحارس- يقولي مليش فيه ..طيب أستنى شوية ..لما مليت مشيت

جــــعــــان يــــاكــــفـــــرة

وعد الحُر

2007-09-08T06:22:00.000+02:00

وعدتكم في بوست شقة الجيزة إني أنشرلكم لوحة الكهربا لما تولع

باركولي

اللوحة ولعت فعلاً

ودي صورتها

لا ... مولعة مولعة يعني

قال لي محمد 1

2007-09-08T03:37:00.000+02:00

تصور أنا كنت النهاردة مع مين ؟) بدأ حواره معي بهذا السؤال محاولاً جذب إنتباهي ... الأحمق.. لا يعلم أن إنتباهي له بالكامل، فقلت

مع مين؟

قال

مع الظابط بتاع كليتنا

لا أعرف لماذا أحسست أنه يتحدث عن عنبر في سجن المزرعة (الظابط بتاع كليتنا) ..قلت

ليه ، كان فيه أيه؟

قال

مفيش ، كنت داخل أخلص معاه موضوع كده

قلت

صوصوصو

قال

لا واللهي ، مش عصفور ولا حاجة ، بس اللي شفته عنده كان غريب

قلت وقد استبد بي الشعور أنه يتكلم عن عنبر بالسجن لا عن الكلية

كانوا بيعذبوا حد

قال

أنت هتهزر ياخفة؟ لأ بس كان معاه تنازلات

قلت

تنازلات أيه

قال

سمعت عن إنتخابات الإتحاد الحر

قلت

بتاعت الإخوان ؟ عارفها

قال

كان فيه شوية مش إخوان اتقدموا بالغلط على أساس إنها إنتخابات الإتحاد العادي ،وبعدين لما عرفوا ،عملوا تنازلات في الكلية عشان المشاكل

قلت

وأيه المشكلة

قال

وأيه اللي يخلي التنازلات مع الظابط

قلت

دي أكيد نسخ

قال

لا واللهي ياعم ،دي كانت الأصول ،أنا شفتها بعيني ،وكان مطلعها من دوسيه ،شوفتها ،وبعدين رجعها تاني الدوسيه....كانت مكتوبة بالجاف

قلت

بجد

قال

بجد ،بس اللي محيرني ،إذا كان إدارة الكلية هيا المسئولة عن الطلاب،يبقى إزاي التنازلات تبقى في مكتب الأمن،مش العميد هوا المسئول عنا؟؟؟؟ء

قلت

معرفش

حد فيكم يعرف؟؟؟؟ء

ملحوظة: روى لي صديق ذات مرة أنه كان يمر بجوار مظاهرة بجامعته فوقف يشاهد ،وسمع المتظاهرين يرددون الهتاف الشهير

مين بيحكم الكلية ..العميد ولا الداخلية

فسمع احد المارة يقول

الداخلية طبعاً يابهايم

؟؟؟؟؟؟؟!!!!!!!!!!!

رحلتين 1

2007-09-06T08:40:00.000+02:00

جميع الأشخاص في هذه القصة مشار إليهم بالحروف الأولى من أسمائهم وعلى من يدعي أنه مقصود بإحدى هذه الشخصيات أن يثبت ذلك..... أو ليصمت

____________________________________________________________________

أهم حاجة العدد وبعدين تتدبر " قلتها لـ(هـ . ح) بعد أن قررنا القيام برحلة إلى مدينة القاهرة ،برنامج الرحلة به ثلاث وجهات أهمها دريم بارك

كنا في ذلك الوقت بالسنة الثانية من الكلية ،وقد قررنا تنظيم الرحلة تحت اسم أسرتنا -أسرة التحدي- كنشاط إجتماعي ثانياً ، ولتوفير بعض التمويل لأنشطة الأسرة أولاً

عندما تذهب للإشتراك برحلة ،تدفع الإشتراك - تأتي في ميعاد الرحلة - تستمتع برحلتك - تعود سالماً بإذن الله

ولكن ... قليلون هم من يعلمون أن الخطوات السابقة هي أشبه بأكل رغيف الخبز من عملية الخبز -وهو التشبيه الوحيد الحاضر في ذهني الآن- أما عملية الخبز من زراعة القمح إلى تسليم الرغيف ،فهي من الخطوات المجهولة ،والأصعب على الإطلاق .... وهو ماقمنا به

كنت في ذلك الوقت أعلم أن هناك العديد من الرحلات تقوم في الموعد نفسه وإلى الجهة نفسها ، ولم أفهم مخزى ذلك إلا متأخراً

على أننا قمنا بالدعاية وطبع الإعلانات ، وهو مايعد في عملية الخبز بمثابة حمل الرغيف إلى المستهلك

*دخول (م . ح) إلى الكادر*

في حياتنا عامة ، نعرف ان 1+1=2 ، أما في الرحلات ، فـ 1+1 قد يساوي 3 أو لايساوي شيئاً على الإطلاق

قبل الرحلة بعشرة أيام أتاني (م .ع) وقال

(م . ح) عاوز يشوفك

خير؟

لا ...بس عاوز يتكلم معاك في موضوع الرحلة

خلاص ... ييجي النهاردة بالليل في المدينة

كنت أعلم أن (م . ح ) سوف يقوم برحلة في نفس اليوم وإلى نفس الوجهة وقد تولى(م . ع) معه الدعاية في كليتنا عن رحلته ،وكنت أظن قبل اللقاء أن (م . ح) يرغب في ضم من نجحت في جمعهم -وهم لا يتعدون العشرة مشتركين- إلى رحلته

أتى (م . ح) في المساء إلى غرفتي في المدينة ،بعد الترحيب جلسنا متقابلين ،وأخذ يتحدث عن كيفية تنظيم الرحلات وعن "الوساخة" التي توجد وسط الترتيبات .....إلى آخره

استغرق المونولوج الخاص به لمدة نصف ساعة ،لم أستطع خلالها تحديد سبب الزيارة بالضبط ، لذا فقد فاجئته بالسؤال

يعني أيه المطلوب مني بالظبط ؟

بهت للسؤال ثم قال

لأ.. أنا مش عايز منك حاجة .. انا جاي أساعدك

يُتبْع

أول حذف

2007-09-06T08:29:00.000+02:00

أول بوست احذفه بإرادتي الشخصية وبكامل قواي العقلية .... يلا مش مشكلة

البوست ده للمتابعين معانا هوا البوست اللي قررت فيه إني هكتب فيه كتاب أو كتيب أو رواية عن اللي حصل وبيحصل معايا في الجامعة

الحقيقة أنا لقيت إن ده إلتزام أكبر مني ومش هقدر عليه

بس اللي أقدر عليه هو كتابة حكاوي او مقالات منفصلة ممكن أجمعها بعد كده او لأ ..مش مهم ، المهم إنها تتكتب من الأساس

آسف على الحذف وهأحاول إنه ميتكررش

وإعتذار خاص لمنشاوي اللي أتحذف تعليقه -وهو التعليق الوحيد في البلوج حتى الآن- مع الموضوع